साहित्य महासंघ बेलायत साउथ शाखाद्वारा अर्थ आवर तथा साहित्य गोष्ठी सम्पन्न

सुरेन्द्र इङ्नाम – केन्ट, बेलायत । ३० मार्च २०१९ का दिन आशफोर्ड, बेलायतमा विश्व नेपाली साहित्य महांङ्घ साउथ शाखाले सदाको वर्षझै यस वर्ष पनि अर्थ आवरको अवसर पारेर अर्थ आवर तथा साहित्य गोष्ठी सम्पन्न गरेको छ ।

बिएफबिएस गोर्खा रेडियो शर्नक्लिफका स्टेशन प्रमुख योगराज राई अतिथि रहनु भएको सो कार्यक्रममा तुल छन्त्याल, औतारी साईला, अंग्रेजी साहित्यकार फेलिसीटी र मुरे होलवूड अतिथि रहनु भएको थियो ।

संस्थाका अध्यक्ष तथा वातावरण विद बिजय हितानले सम्पुर्णलाई स्वागत गर्दै कार्यक्रमलाई औपचारिक रुपमा शुरुगर्दै अर्थ आवरको बारे प्रष्ट पार्नु भयो र आजको साँझ (मार्च ३०) मा १ घण्टा बिजुली बत्ति नबालेर ईनर्जी खपत गर्ने, जस्ले गर्दा वातावरणलाई केहि समय भए पनि बचाउन सकौ भन्ने अभिब्यक्ति दिनु भयो ।

यहि आउदो साल सन २०२० को जुन महिनामा विश्व वातावरण दिवशको दिन पारेर नेपालमा वातावरण साहित्य गोष्टि गर्ने वातावरण साहित्यकार बिजय हितानको रहेको र उक्त्त कार्यक्रमको लागी आर्थिक सहयोग जुटाउनको लागी बेलायतमा रहेका सहयोगीहरुबाट प्रतिब्याक्ति एक पाउण्ड र नेपालमा रहनुहुने बाट रु १०० सहयोगको आब्हान पनि गर्नु भएको छ जुन सहयोग संङ्कलन एक हजार जना बाट प्राप्त पछि बन्द गरिने छ ।

कृति समिक्षाको क्रममाः गायक गणेश पुनले भावेश भुमरीको नियात्रा “भिषाको रङ” र साहित्यकार अमित थेबेले निवन्धकार बिजय हितानको “ईको उत्सर्जन” निबन्ध सङ्ग्रहरुलाई समिक्षा गरे ।

उपस्थितहरुबाट सेमन्त राईले बाँसुरीको मिठो धुन साथै वातावरण कविता, अमित थेबे वातावरण कविता, सुरेन्द्र इङ्नाम बाँसुरी साथै वातावरण कविता, थिर थापा बाट गीत गायन, लाहाङ् चेम्जोङ् वातावरण कविता, औतारी साईला वातावरण कविता, अंग्रेजी साहित्यकार दोय फेलिसीटी वातावरण कविता, मुरे होलवूड वातावरण कविता, र विश्वासदीप तिगेला द्घारा वातावरण कविताहरु वाचन गरिएको थियो ।

कार्यक्रम अध्यक्ष बिजय हितानले वातावरण कविता वाचन गर्नु भयो साथै गोर्खा भान्सा घरका सञ्चालक शुस्मा लीम्बु गुरुङ् लाई सभाहल निशुल्क उपलब्द गरिदिनु भएकोले मुरी मुरी धन्यवाद दिदै र अन्त्यमा उपस्थित सम्पुर्णलाई धन्यवाद दिर्दै पुनः अर्थ आवर र अर्को वर्ष पुन भेला हुने वाचा गर्दै कार्यक्रमलाई समापन गर्नु भयो ।

कार्यक्रम दिउसो २ बजे शुरु भएर साँझ ५ बजे सकिएको कार्यक्रमलाई संस्थाका सचिव थिर थापाले सञ्चालन गरेका थिए ।



धनकुटा खबर नेटवर्क सर्भिस प्रा. लि.
सूचना विभाग दर्ता नं. : ५४६/०७४-७५
हाम्रो टिम
प्रबन्ध निर्देशक / सम्पादक : विष्णु विक्रम निरौला
सह-सम्पादक : मोहन राई पर्देशी
उप-सम्पादक : नारायण कुमार राई
भिडियो संवाददाता : विदुर खबास
संवाददाता : शर्मिला राई, विकास घिमिरे, करुणा
ग्राफिक्स डिजाइनर : विदुर कुँवर
साहित्य/ लेख : ओम प्रकाश निरौला
राशिफल : ज्यो . पं . सरोज घिमिरे
कानुनी सल्लाहकार : बम बहादुर खत्री

© २०७४ सर्वाधिकार सुरक्षित

Designed byappharoo