कसको ब्याट्री धेरै टिक्छ ? आइफोन कि सामसङ ?

एजेन्सी । हरेक वर्ष विश्वका दुई ठूला स्मार्टफोन निर्माता कम्पनी आइफोन र सामसुङबीच कडा प्रतिस्पर्धा हुने गरेको छ । यसमा एन्ड्रोइड र आइफोन प्रयोगकर्ताहरुले दुवै फोनका विशिष्ट फिचरहरु तुलना गरी कुन धेरै टिकाउ, सहज र राम्रो भन्नेमा विवाद गर्ने गरेको पाइएको छ ।

हरेक सेप्टेम्बरमा एप्पलले नयाँ मोडलका आइफोन लन्च गर्दै स्मार्टफोनको दुनियाँमा नयाँ उपलब्धि हासिल गर्ने गर्दछ भने त्यसैको केही महिनामा सामसुङले पनि नयाँ ग्यालेक्सी सार्वजानिक गर्दै आइफोनलाई कडा जवाफ दिने गरेको छ । यसरी दुवै फोनका आ–आफ्ना विशेषता छन् र भिन्दा भिन्दै पक्षमा दुवैलाई उत्कृष्ट मानिन्छ ।

यस्तोमा सामसुङ र एप्पलको ब्याट्री सम्बन्धि विवादलाई भने अन्त्य गर्ने प्रयास गरिएको छ । ब्याट्री मोबाइलको सबैभन्दा महत्वपूर्ण पक्ष भएको हुँदा स्मार्टफोनका प्रत्येक नयाँ मोडलसँगै ब्याट्री टिक्ने समय पनि बढ्दै गएको पाइएको छ । युट्युब च्यानल ‘फोनब्लफ’ ले एप्पलको नयाँ आइफोन एक्सएस म्याक्स र सामसुङ ग्यालेक्सी एस–टेन प्लसका ब्याट्री परीक्षण गरि नयाँ खुलासा गरेको हो । आइफोन एक्सएस म्याक्सको ब्याट्री ३,१७४ एमएएच भएको बताइएको छ भने सामसुङ एस–टेन प्सलको ब्याट्री क्षमता ३,१०० दाबी गरिएको छ ।

यसरी परीक्षणका क्रममा दुवै फोनलाई एकदिनभर चलाइएको हो जसका लागि हामीले दैनिक फोन चलाउने शैली अपनाइएको थियो । जस्तै कम्तिमा पनि १ घण्टा फोनमा कुरा गर्ने, म्यासेज गर्ने, इमेल तथा विभिन्न वेबसाइटहरु खोल्ने, गेम खेल्ने, गीत सुन्ने, एप चलाउने लगायत सबै काम दुवै फोनमा बराबर गरिएको थियो । यस्तोमा लगातार २४ घण्टा चलाएपछि आइफोन बन्द भएको हो भने एस–टेन प्लसको ब्याट्री चाहिँ २५ घण्टासम्म टिकेको छ । अर्थात सामसुङ आइफोन भन्दा एक घण्टा बढी समयसम्म अन रहन सफल भएको परीक्षणको निष्कर्ष छ ।



धनकुटा खबर नेटवर्क सर्भिस प्रा. लि.
सूचना विभाग दर्ता नं. : ५४६/०७४-७५
हाम्रो टिम
प्रबन्ध निर्देशक / सम्पादक : विष्णु विक्रम निरौला
सह-सम्पादक : मोहन राई पर्देशी
उप-सम्पादक : नारायण कुमार राई
भिडियो संवाददाता : विदुर खबास
संवाददाता : शर्मिला राई, विकास घिमिरे, करुणा
ग्राफिक्स डिजाइनर : विदुर कुँवर
साहित्य/ लेख : ओम प्रकाश निरौला
राशिफल : ज्यो . पं . सरोज घिमिरे
कानुनी सल्लाहकार : बम बहादुर खत्री

© २०७४ सर्वाधिकार सुरक्षित

Designed byappharoo