सिप र जाँगर हुनेलाई गाऊँ-घरमै चटारो !

भक्त बहादुरलाई गाउँमा नै चटारो !

धनकुटा खबर । खाल्सा छिन्ताङ्ग शहिदभूमी गाउँपालिकाको आँखिसल्ला घरभई हाल धनकुटा जीरोप्वाइन्ट नयाँ बस्तीका भक्तबहादुर राईको परिवारलाई बाह्रै महिना फूर्सद छैन ।

तिहार नजिंकिदै जाँदा अर्डरको समय नजिकिएपछि उनीहरुको खाने र सुत्ने समेत टुंगो छैन् । दशक देखि बाँस हस्तकलाको ब्यबशाय गर्दै आएका भक्त बहादुर जस्तै यो बस्तीका अधिकाशं साना उद्यमीको दिनचर्या उस्तै छ ।

सबैरै उठ्ने अर्डरका बाँसबाट निर्मित सामग्रि तयार, पार्ने कलर गर्ने, प्याकिङ गर्ने सबैलाइ एकै किसिमको चटारो छ । राई भन्छन् ‘यो बेला नगरे कहिले गर्ने ?’

तिहार र छठ पर्वका लागि बाँसका सामग्रीको माग बढेपछि धनकुटाका घरेलु उद्यमिलाई बाँसका सामग्री बनाउने र बिक्री गर्ने ब्यस्तता बढेको उनको भनाई छ ।

राजधानी काठमाण्डौं, तराई र स्थानीय बजारबाट ढाकी, डालो, नाङ्लो, डोको, मुडा, टि बक्स, घरेलु प्रयोग तथा सजावट सामग्री बेचेर मासिक ४० हजार भन्दा बढी कमाउने गरेको राईले बताए ।

धनकुटाको खाल्सा छिन्ताङ्ग शहिदभूमि गाउँपालिका र धनकुटा नगरपालिकाका साना उद्यमिले यस्ता चाडवाडको समयमा सरदर ८० हजार देखि तीन लाख ५० हजार रुपैयाँसम्मको बाँसका सामग्री बिक्रि गर्ने गरेका छन् ।

बेतबाँस उद्यममा सदरमुकाम धनकुटा बजार र आँखिसल्लाका करिब चार सय परिवारको संलग्नता छ । घरेलु तथा साना उद्योग विकास समितिले यस्ता उद्यमी र उत्पादनको प्रवद्र्धनका लागि काम गरिरहेको समिति कार्यालय प्रमुख सत्यनारायण राईले जानकारी दिए ।

Loading...



धनकुटा खबर नेटवर्क सर्भिस प्रा. लि.
सूचना विभाग दर्ता नं. : ५४६/०७४-७५
हाम्रो टिम
प्रबन्ध निर्देशक / सम्पादक : विष्णु विक्रम निरौला
सह-सम्पादक : मोहन राई पर्देशी
उप-सम्पादक : नारायण कुमार राई
संवाददाता : शर्मिला राई, कोकिला भण्डारी, सावित्रा घोर्साने
भिडियो : विदुर खबास, लक्की शेर्पा, करुणा
ग्राफिक्स डिजाइनर : विदुर कुँवर
साहित्य/ लेख : ओम प्रकाश निरौला
राशिफल : ज्यो . पं . सरोज घिमिरे
कानुनी सल्लाहकार : बम बहादुर खत्री

© २०७४ सर्वाधिकार सुरक्षित

Designed byappharoo